«Мен оқушымен» рөлдік ойын

Мақсаты: Балаларды мектеп өмірімен таныстыру. Мектепке деген қызығушылықтарын арттыру.Сөйлеу және қарым-қатынас дағдыларын дамыту. Мектеп туралы алғашқы түсінік беру. Рөлдік ойын арқылы диалог құруға үйрету. Әлеуметтік ортада өзін ұстауға дағдыландыру. 
    Балабақша мен мектеп сабақтастығы – бұл баланың балабақшадан мектепке өту кезеңіндегі үздіксіз білім беру процесі. Бұл кезеңде баланың психологиялық, әлеуметтік және танымдық дамуы ескерілді.
    Сабақтастықтың негізгі мақсаты – баланы мектеп өміріне бейімдеу, оқу әрекетіне қызығушылығын арттыру және жаңа ортаға жеңіл үйренуіне жағдай жасау.
     Рөлдік ойын – мектепке дейінгі балалар үшін ең тиімді әдістердің бірі. Ол арқылы балалар қоршаған ортаны танып, әлеуметтік рөлдерді меңгереді, сөйлеу қабілеті мен қарым-қатынас дағдылары дамиды.